اول درس عن الكورسات

تاثيرات الكورس

هذا درس بسيط كبداية
حبيت اوضح فيه شغله بسيطه في تاثيرات الكورس
طبعاً الكورس بالنسبة لي اهم شي فالاغنية
صحيح انه هو مقطع صغير ويعتمد عالتكرار في كل ناهية بارت
لكنه يعطي لمسة حلوة عالاغنية
وخاصة لو كان اسلوب R&B
طبعاُ هاذي وجهة نظر خاصة فيني
والناس اذواق وهذا ذوقي
المهم
والي تعطي لمسة حلوة عالكورس

اول شي:
اداء المغني فالكورس لازم يكون نابع من القلب
يعني لما يغني الكورس مايحسس المستمع انه قاعد يقرى من ورقه
يعني قد مايقدر يعبر عن موضوع الاغنية
ولو كان صوته حلو بيكون روعه
اما لو كان عنده الاداء فالمقامات حلو بس ينقصه الصوت
يقدر يضيف فلتر الاوتوتون
بشرح لكم طريقة تضيف فلتر الاوتوتون بنسبه خفيفه
منها تعدل الصوت بدون مايبين انك حاط اوتوتون
يعني مايصيدها الا الي يدقق فيها
لما نفتح فلتر الاوتوتون




حطو في بالكم انه مابنستخدم الا كم شغله بسيطه
لحد يقول الفلتر معقد وماعرف له
ترى بسيط وتاثيره حلو
المهم
لما نفتح الفلتر ركزو على هاذي الاشياء
كل شغلنا بيكون في هالاقسام التاليه:
Scale
Key
RETUNE
TRACKING
وباقي الاشياء خلوها تولي لاتغيرون فيها شي
الحين نحط القيم هاذي عن قسم
TRACKING
هاذي دائماً خلوها 100
ولاتتغير نهائياً
نروح على الي حذاها وهي
RETUNE
هاذي نخليها بين 30 و 50
اما الي يبي يخلي صوت الاوتوتون واضح حده
يخليه صفر
الحين اهم شي الي هم
Key و Scale

في قسم Scale
حطو في بالكم انه مانختار الا شغلتين وهم
Minor و Major
لان هالاثنين هم الي يضبطون اما الباقي مامنهم فايده
طبعاً Major
نستخدمه لما نغني طبقه عاليه يعني كل الكلمات تكون فوق
اما الثاني حق اغلب الاشياء
الحين نرجع حق قسمKey
طبعاً هاي هي المقامات
تختارها على حسب الي تغنيه
تخبرون في ستار اكادمي كانو يدرسونهم المقامات
يقولون دو ري مي فا خخخخ
هاي هو نفس الشي
تختارونها على حسب المقام الكلمات الي غنيتوها
الحين خلصنا من الاوتوتون

نروح حق تاثيرات الكورس
طبعاً الي مايدلهم اقول له
روح على
Effects > Delay Effects > Chorus


هني الاختيار حر على حسب رغبة المغني
يختار التاثير الانسب
اما بالنسبة لي فانا انصح باختيار التاثيرات الخفيفه والحلوة
مثل Acoustic Duet

بعد مانختار التاثير
نروح حق الخطوة الاخيره
وهي الصدى
نروح على
Effects > Delay Effects > Reverb



طبعاً مانختار اي شي
احسن شي الي هو اول واحد
Concert Hall Light
والي يبيه خفيــف حده يستخدم
Vocal - Natural Reverb
اما الي يبي يحط صدى على مقطع آهآآت
انصحه يستخدم
Medium Empty Room

وبس
بهالتاثيرات الثلاثة الي سويناها
نقدر نسوي احلى واروع الكورسات

طبعاً في اساليب وايد حق التاثيرات بس هاذي الافضل بالنسبة لي
ان شاء الله في دروس ثانية بشرح لكم تاثيرات ثانية

اتمنى يكون الدرس سهل وبسيط ومفهوم
وانتظرو دروسنا الجاية بتكون اقوى واروع

وان شاء الله نجوف إبداعاتكم
هذا البرنامج

http://www.zshare.net/download/6652779830c14cd2/

الشرح يتبع أن شاء الله
ولا تنسون الردود